Legjenda e Manchester Unitedit, Paul Scholes thotë se ish-skuadrës së tij u duhen edhe dy nënshkrime cilësore për të qenë një sfidues i titullit.
Unitedi i vendit të pestë gjendet 34 pikë pas Liverpoolit në vendin e parë dhe janë mbyllur në një betejë për të siguruar një vend që i dërgon në Ligën e Kampionëve për sezonin e ardhshëm.
Megjithatë, legjendën e klubit, Scholesin, nuk e kënaq një vend që i dërgon në Ligën e Kampionëve, pasi e ka këshilluar Unitedin çfarë të bëjë për të qenë sfidues të titullit.
“Ka një hendek të madh për t’u mbyllur, nuk ka dyshim për këtë. Diferenca e pikëve është qesharake dhe cilësia e Man Cityt padyshim që është aty për të parë të gjithë”, ka thënë fillimisht Scholes për BBC Radio Five Live.
“Unë me të vërtetë nuk mendoj se ata janë një milion milje larg. E di që kemi folur për katër ose pesë lojtarë, por mendoj se janë dy ose tre tani”.
“Mendoj se po shikohet një qendërsulmues, një shënues i golit me të vërtetë klas dhe ndoshta një qendërmbrojtës për të luajtur pranë Harry Maguire”.
“Mendoj se Victor Lindelof ka bërë mirë, por thjesht mendoj se Maguire me mungesën e tij të ritmit në kohë mund të befasohet”.
“Nëse ai ka një partner të vërtetë dominues pranë tij sikur një Rio Ferdinand ose Jaap Stam i cili sulmon qendërsulmues, unë mendoj se kjo do të ishte një ndihmë e madhe për ekipin”, përfundoi anglezi. /Telegrafi/