E gjithë bota e futbollit u shokuar të shtunën mbrëma kur u raportua se helikotperi i presidentit të Leciester Cityt, Vichai Srivaddhanaprabha, është rrëzuar jashtë stadiumit King Power dhe menjëherë është kapluar nga flakët.
Ende nuk është raportuar se viktima, apo për gjendjen e pronarit të klubit anglez.
Deri sa të gjithë janë në pritje të lajmeve, mediat kanë filluar të shpalonin detaje tjera, një nga ato është ajo e Kasper Schmeichel.
Portieri i Leicesterit ishte një nga të parët që doli jashtë stadiumit me të dëgjuar për aksidentin.
Danezi është kapur nga kamerat i emocionuar dhe duke qarë i shqetësuar për gjendjen e presidentit të tij.
31-vjeçari i është bashkuar Dhelprave në vitin 2011 (një vit pasi klubi u ble nga Srivaddhanaprabha), pra është një nga lojtarët e parë dhe të pakët që i besuan dhe i qëndruan besnik projektit të biznesmenit tajlandez.
Siç e thamë më lartë, ende nuk ka asgjë zyrtare, por në mediat angleze thuhet se në helikopter me pronarin e Leicesterit ishte edhe vajza e tij. /Telegrafi/
