Me gjasë edhe ju keni dashur që të pyesni ekspertët për shumë gjëra rreth kujdesit të flokëve, por nuk e keni pasur këtë rast. Ne ju sjellim disa përgjigje.
Si duhet t’i terim flokët?
– Kur është nxehtë, më së miri është që ta përdorni vetëm peshqirin, meqë flokët i ekspozohen diellit tërë ditën. Nëse përdorni tharë se n elektrike, atëherë atë largojeni nga koka, e me dorën tjetër shprishni flokët – thotë eksperti i flokëve, Mauricio Sereti.
A duhet të përdorim balsam?
– Me balsam nuk duhet ta teproni. Unë personalisht preferoj përdorimin e preparatit për rigjenerim të flokëve, i cili depërton deri te rrënjët, e nuk mbetet në si përfaqe, si balsami – thotë Sereti.
Si t’i shkurtojmë balluket?
– Rregullat kërkojnë që flokët më parë të lagen mirë. Mbështillni flokët dhe preni ata drejt, me një lëvizje. Nëse doni ndryshim drastik, më mirë është që të shkoni te ndonjë ekspert – thotë Sereti.
Si ta pengojmë rënien e flokëve?
– Shkaqet e rënies së flokëve mund të jenë të shumta, duke filluar nga stresi, e deri te përdorimi i disa ilaçeve – thotë Françesko Bruno, dermatolog në Institutin "Isplad" në Palermo.
Kur bën nxehtë, shkaktari kryesor i rënies së flokëve është djersitja e tepërt. Nëse edhe ju e keni këtë problem, atëherë mbani flokë të shkurtër. Mirë bën edhe masazhi i lëkurës së kokës. /Telegrafi/