"Miliona njerëz në mbarë botën sot druajnë për ekonominë e tyre, për apartamentet e tyre, për kursimin të cilin e mbajnë në banka. Detyra jonë është që t’u mundësojmë përghjigje", tha Sarkozy gjatë darkës së organizuar në margjinat e Asamblesë së Përgjithshme të KB-së, në prezencën e përfaqësuesve të ekonomisë botërore.
Sipas shefit të shtetit francez, është e nevojshme që të shpjegohet "se kush është përgjegjës për katastrofën dhe ata që janë përgjegjës të sanksionohen dhe të japin llogari".
Ai, megjithatë, nuk i ka emëruar përgjegjësit.
Presidenti francez sot e publikoi analizën e tij për politikën ekonomike në kuadër të fjalimit para Asamblesë së Përgjithshme, në emër të 27 vendeve të BE-së, si kryesues i Këshillit Evropian. /Mia/