Mbrëmjen e djeshme Ledion Liço dhe Sara Hoxha i kanë dhënë fund beqarisë.
Në një ceremony tejet private në Komo të Italisë, dyshja e njohur janë betuar për dashurinë dhe kanë celebruar lidhjen e tyre në martesë.
E gjithë vëmendja mediatike në Shqipëri ka qenë e fokusuar në dasmën e tyre edhe pse qoftë çifti qoftë të pranishmit në dasmë janë treguar tejet të kujdesshëm dhe diskret.
Në një kohë që celebrimi në breg të liqenit ku dukshëm binte në sy ngjyra e bardhë, brenda festës së madhe aty ku festuan të gjithë e që çifti kishte zgjedhur që dritat dhe lulet shumëmgjyrëshe të ishin kryefjala e çdo gjëje.
Siç edhe shihet në fotot e siguruara nga Blitz.al të pranishëm kanë qenë miqtë e bashkëpunëtorët më të afërt të Ledionit dhe Sarës, Eno Popi, Xhemi Shehu, Altin Basha, Alban Skënderaj, Miriam Cani, Emral Mamaqi Amarda Toska e shumë të tjerë.
Sara dhe Ledioni janë prej vitesh në lidhje e të fejuar dhe për romancën e tyre jo pak herë kanë raportuar mediat.
