Nusja ka treguar tmerrin e ndjenjës së të ‘djegurit për së gjalli’, kur velloja iu përfshi nga flaka – si pasojë e fishekzjarrëve që i kishte shumë pranë.
Rachel Beaufoy nga Devon i Anglisë, sapo u martua me të dashurin e saj Poul dhe po bëhej gati të vallëzonte dhe të dëfrehej me familjarët dhe miqtë e ngushtë, transmeton Telegrafi.
Mirëpo, planet e 33-vjeçares u rrënuan për një moment, kur fustani i bardhë iu përshi prej flakëve, si pasojë e fishekzjarrëve të vëna pa kontroll. Për më keq, ajo kishte ndjerë një nxehtësi, ndërsa nuk e dinte se brendësia e fustanit po i digjej.
“Kur e ndjeva erën, atëherë ishte pak vonë. Më dukej se po digjesha për së gjalli, ishte tmerr” ka thënë Beaufoy.
Të pranishmit kanë vepruar me shpejtësi, ndërsa ka qenë fat që ajo nuk bëri panik dhe ishte bashkëpunuese.
Me anë të kësaj historie, ajo po përpiqet t’i vetëdijesojë njerëzit mbi përdorimin e fishekzjarrëve, duke kërkuar që ato të jenë sa më të rralla dhe mundësisht përjashta lokaleve ku zhvillohen ahengjet. /Telegrafi/
