Në futbollin anglez ka pasur kritika të shumta kundrejt VAR-it, ndërsa tashmë ka ndodhur edhe vendimi më kundërthënës në vitin 2020.
Është fjala për anulimin e golit të Jack Grealish në ndeshjen që skuadra e tij e zhvillon si mysafir i Burnleyt.
Ai shënoi me kokë në minutën e 11-të të sfidës, mirëpo pas konsultimit të video-asistencës, goli u anulua pasi paraprakisht takja e sulmuesit Wesley ishte në pozitë jashtë loje.
Futbollisti i Aston Villas besoi se ka shënuar falë harkimit nga Ezri Konsa, mirëpo pas shqyrtimit treminutësh nga VAR, u vendos që goli nuk ishte i rregullt.
Në fakt, Wesley e kishte prekur topin para se të arrinte te Konsa dhe meqë takja e tij ishte në pozitë jashtë loje, goli u anulua. /Telegrafi/
