Presidenti rus, Vladimir Putin ka paralajmëruar homologun e tij amerikan Joe Biden, se do të kishte një prishje të plotë të marrëdhënieve midis Rusisë dhe SHBA-së nëse do të vendoseshin sanksione të reja për shkak të tensioneve në Ukrainë.
Sipas medieve të huaja, përcjell Telegrafi, presidenti rus, tha se do të ishte një “gabim kolosal” në një telefonatë me Biden që përfundoi herët në mëngjes të premten.
Të dy liderët folën për 50 minuta pasi Putin kërkoi bisedën, telefonat e tyre dytë direkte këtë muaj.
Biden tha se do të merreshin masa ekonomike nëse Rusia do të pushtonte Ukrainën, ku edhe ka pasur një grumbullim të vazhdueshëm të trupave ruse në kufi në javët e fundit.
Kremlini ka kërkuar një garanci të fortë se Ukraina nuk do të anëtarësohet kurrë në NATO dhe aleanca nuk do të vendosë pajisje ushtarake në ish-shtetet sovjetike, përfshirë Gjeorgjinë. /Telegrafi/