CES 2017 sjelli shumë risi në këndin e Samsung. Kompania koreane prezentoi para audiencës dy laptop të ri Chromebook – Chromebook Pro dhe Chromebook Plus.
Të dyja pajisjet kanë dizajn metalik dhe poashtu sjellin shumë ngjashmëri mes tyre. Dy Chromebook-ët kanë ekran LED prej 12.3 inç me rezolucion prej 2400×1600 dhe RAM memorie prej 4GB. Disqet e pajisjeve përmbajnë hapësirën prej 32 GB dhe kanë peshën e njejtë, prej 1.08kg.
Dallimi mes pajisjeve vërehet më së shumti tek procesori. Plus ka procesor ‘hexa-core’ ndërsa Chromebook Pro vjen me procesorin Intel m3.
Pajisjet janë të ndërtuara të funksionojnë me Google Play. Porti USB-C dhe kartela micro-SD janë poashtu të përfshira, gjë që mund t’i bëj këto pajisje të duhurën për ju. Krejt çka duhet të bëni është të keni 450 dollarë për të para-porositur njërën prej tyre në ueb faqen e Samsung. Shitjet fillojnë të dërgohen nga shkurti.