Sipas një raporti të ri të publikuar nga ETNews thuhet se Samsung është duke punuar në modelin e parë të telefonit të saj që palohet, dhe se përpjekjet e kompanisë jugkoreane po zgjasin për më shumë se tri vjet tashmë.
Sipas këtij medium thuhet se telefoni i ri i Samsung do të jetë tepër unik, sepse i njëjti mund të transformohet në një telefon me ekranin prej 5-inç, kur i njëjti të jetë i paluar dhe më pas në një tablet me 7- inç, kur i njëjti hapet.
Kompania ka partneritet me firmat lokale si dhe të huaja për të krijuar teknologjinë e telefonit që palohet, për të parën herë.
Telefoni i Samsung do të shfaqet me ekranin në OLED që mund të palohet në gjysmë si një kuletë, për ta mbajtur pajisjen në xhep. Samsung Display, e cila është përgjegjëse për zhvillimin e ekranit të tillë OLED, tha se ka përfunduar tashmë me zhvillimin e një prototipi.