Kohët e fundit kemi parë dëshmi se tre modelet kryesore të Samsung Galaxy S10 mund të kenë bateri që arrijnë në 4.000mAh për Samsung Galaxy S10 Plus.
Por ka potencialisht një telefon të katërt në mes, me një model super-premium 5G që mund të lansohet poashtu, dhe mund të ketë një bateri prej 5.000mAh.
Kështu raportoi GalaxyClub.nl, por kjo nuk është pohimi më emocionues i faqes, pasi gjithashtu thotë se Galaxy X i palosshëm mund të ketë një bateri 6,200mAh. Ose ndryshe, mund të ketë dy bateri 3,100mAh.
Faqja deklaron në mënyrë specifike se do të ketë dy bateri identike me atë të Samsung Galaxy S10 Lite (ose Galaxy S10 E siç mund të quhet), për të cilin tashmë thuhet se ka një 3.100mAh.
Ndërsa kapaciteti 6,200mAh është pothuajse i padëgjuar në një telefon dhe ka kuptim për Samsung Galaxy X, që kur shpaloset thuhet se ka një ekran masiv prej 7,3 inç, i cili do të kërkonte shumë fuqi, përcjell Telegrafi.
Versioni 5G i Galaxy S10 gjithashtu mund të jetë i madh, me një ekran 6.7 inç.
Siç mund ta prisni, këta telefona nuk do të jenë të lirë dhe gjithashtu mund të mos jenë gjerësisht të disponueshëm. GalaxyClub pretendon se 5G S10 do të mbërrijë vetëm në SHBA dhe Korenë e Jugut, pa lansimin e Mbretërisë së Bashkuar ose Australisë aktualisht të planifikuar. /Telegrafi/