Samsung është duke marrë një goditje financiare sa i përket çështjes së Galaxy Note 7. Kjo ka ndikuar gjithashtu edhe në reputacionin e kësaj kompanie, por duket se problemet e tyre nuk mbarojnë vetëm me kaq, përcjell Telegrafi.
Siç mund ta keni dëgjuar, kompania gjithashtu ishte paditur së fundmi për një shpërthim të një Galaxy S7 Edge, dhe tani duket se kemi një rast tjetër.
Një raportim nga The Sun në Britaninë e Madhe ka zbuluar se një telefon Samsung ka shpërthyer, dhe këtë herë është ai i Galaxy S7, transmeton Telegrafi.
Sipas raportit, 30-vjeçarja Sarah Crockett ishte në një restorant në mes të ditës me telefonin në dorën e saj kur telefoni filloi të fryhej dhe të dilte tym nga ai, ngjarje kjo që u kap nga kamerat e sigurisë në një kafene në Angli.
“Papritmas filloi të ‘rritej’ në dorën time dhe të nxehej. E lëshova mbi tavolinë. Brenda disa sekondave i doli tymi dhe unë u largova”.
Sipas një zëdhënësi të Samsung, “nuk ka çështje të njohura të sigurisë me pajisjet Galaxy S7. Kjo çështje është duke u hetuar dhe ekipet tona për shërbimet e klientit janë në kontakt me konsumatorin në lidhje me këtë çështje”. /Telegrafi/
https://www.youtube.com/watch?v=1ueOV0EpdPs