Samsung Galaxy S5 thuhet se do të paraqitet në treg gjatë muajit shkurt, dhe sipas mediave koreane ky nxitim vjen pasi që Galaxy S4 ka dështuar që t’i arrijë pritjet e kompanisë Samsung për shitje në tregun global.
Mirëpo, pavarësisht arritjes apo jo të synimeve të brendshme të kompanisë, Galaxy S4 ende mbetet telefoni më i famshëm i sistemit operativ Android, dhe siç dihet ky model ka tejkaluar edhe rekordin e shitjeve të paraardhësit të tij, Samsung Galaxy S3.
Raporti i njëjtë medial nuk ndalet këtu, pasi që jep edhe disa nga specifikat e mundshme të Samsung Galaxy S5, të cilat përfshijnë edhe procesorin e ri të Samsung me 64-bit – Samsung Exynos 5430.
Karakteristikat tjera të mundshme të Samsung Galaxy S5 përfshijnë edhe kamerën e pasme me 16 mega-piksel, e cila thuhet se do të jetë e njëjtë me atë që tani ofrohet në Samsung Galaxy S4 Zoom. / Telegrafi /