Samsung Galaxy Note 3 do të vijë me sigurinë e pajisjes, të njohur si Samsung KNOX si dhe versionin e fundit të Android 4.3 Jelly Bean, si dhe lapsin elektronik S-Pen, i cili është përgatitur për ekranin e madh të Galaxy Note 3.
Samsung Galaxy Note 3 posedon ekranin Full HD me 5.7 inç si dhe rezolucionin prej 1920 x 1080 pikselëve, bashkë me procesorin e fuqishëm Quad Core 2.3 GHz Qualcomm Snapdragon 800 dhe 3GB RAM.
Samsung gjithashtu do të ofrojë edhe një version të Samsung Galaxy Note 3 me procesorin 1.9GHz Samsung Exynos 5 Octa core, ndërsa procesor të ndryshëm do të jenë në dispozicion për tregje të ndryshme.
Note 3 posedon edhe kamerën e pasme me 13 mega-piksel me sensorin BSI, me auto fokus, dhe tiparet si Smart Stabilization, dhe ndriçuesin LED. Në pjesën e përparme është kamera me 2 mega-piksel dhe sensorin BSI.
Karakteristikat tjera të Samsung Galaxy Note 3 përfshijnë edhe baterinë me 3,200 mAh si dhe opsionin e memories me 32GB ose 64GB.
Nga 25 shtatori, Samsung Galaxy Note 3 do të jetë në dispozicion në 149 shtete të ndryshme të botës. / Telegrafi /