Samiti Olimpik, që përbëhet nga drejtues të lëvizjes olimpike në botë, të shtunën, ka dalë me qëndrimin se organizatorët e garave që janë nën ombrellën e federatave ndërkombëtare apo të komiteteve olimpike nacionale duhet të bëjnë të mundur hyrjen në vend të të gjithë sportistëve dhe që sportistët e të gjitha vendeve të kenë trajtim të barabartë, shkruan sot Koha Ditore.
Ky qëndrim është marrë, para së gjithash, për faktin se disa sportistë të Izraelit e kanë pasur të pamundur të hyjnë në disa vende, por IOC-i është shprehur i brengosur edhe për faktin se sportistët e Kosovës mund të kenë vështirësi në disa vende. Kështu ka raportuar agjencia prestigjioze e lajmeve Associated Press.
Samiti Olimpik nuk ka përmendur emra të vendeve në deklaratën zyrtare.
"Samiti është pajtuar që për të gjitha garat që janë nën ombrellën e federatave ndërkombëtare, asociacioneve të tyre kontinentale apo regjionale dhe për garat e komiteteve olimpike nacionale, duhet të sigurohet që të gjithë sportistët e vendeve anëtare mund të hyjnë në vend që të garojnë dhe të trajtohen të barabartë.