Ministrja për Evropën dhe Punët e Jashtme e Shqipërisë, Olta Xhaçka deklaron se në Samitin e NATO-s në Vilnius rikonfirmuam angazhimin tonë për të rritur më tej mbështetjen politike dhe praktike për Ukrainën ndërsa ajo vazhdon të mbrojë pavarësinë, sovranitetin dhe integritetin territorial të saj.
Xhaçka ishte pjesë e delegacionit shqiptare të kryesuar nga Kryeministri Edi Rama ku morën pjesë në Samitin dy ditor të NATO-s në Lituani.
Ministrja thekson se në këtë Samit, “vendosëm të themelojmë Këshillin NATO-Ukrainë, një organ i ri i përbashkët ku Aleatët dhe Ukraina do të ulen si anëtarë të barabartë për të çuar përpara dialogun politik, angazhimin, bashkëpunimin dhe aspiratat e Ukrainës për anëtarësim në NATO”.
“Me Ministrat e Jashtëm të NATO-s theksuam rolin vendimtar të bashkëpunimit mes Bashkimit Evropian dhe NATO për sigurinë dhe stabilitetin e Ballkanit Perëndimor, në veçanti për Kosovën dhe Bosnje Hercegovinën”, deklaron kryediplomatja shqiptare në një postim në Twitter.
Xhaçka ka theksuar mbështetjen e palëkundur të Shqipërisë për partnerët tanë si Bosnja Hercegovina, Gjeorgjia dhe Moldavia të prekur nga situata aktuale e sigurisë. /Telegrafi/
1/3 .@NATO #VilniusSummit we reaffirmed our commitment to further step up political & practical support to #Ukraine 🇺🇦 as it continues to defend its independence, sovereignty & territorial integrity. pic.twitter.com/gILygTd95f
— Olta Xhaçka🇦🇱 (@xhacka_olta) July 13, 2023