Kancelarja gjermane Angela Merkel, tha pas një takimi krize të presidentëve dhe kryeministrave që u mbajt në Bruksel se përkundër miratimit të paketës miliardshe për Greqinë e zhytur thellë në borxhe ekziston një masë e lartë e spekulimeve kundër euros.
"Mendoj se në këtë pikë në të vërtetë nuk kemi më kohë andaj duhet të veprojmë shpejt. E dyta, nuk është vetëm Greqia ajo që duhet të konsolidojë buxhetin, por ne të gjithë duhet të punojmë që pakti për stabilitetin dhe zhvillimin të zbatohet sërish shpejt. E treta, ne po ashtu duhet të përkujdesemi për sigurimin e stabilitetit të euros në përgjithësi…" tha Merkel.
Kurse kryeministri i Luksemburgut, Jean-Claude Juncker foli për një sulm të organizuar kundër euros. Ministrat e fiancave të 16 vendeve të Euro-Zonës do të marrin këtë të dielë vendime konkrete që do të futen në fuqi me hapjen e tregjeve, që ditën e hënë.