"Së pari duhet t’i japim fund këtij konflikti dhe të ndihmojmë Ukrainën të marrë disa vendime të nevojshme teknologjike."
"Së dyti nevojitet të diskutojmë çështjen se si të shmangim konflikte të tilla në të ardhmen me idenë që të mos bëhemi peng e një situate politike në vende të tjera, tha presidenti rus.
Ukraina e ka mirëpritur idenë, por jo vendtakimin e propozuar nga zoti Medvedev, që është Moska.
Një përplasje mes Rusisë dhe Ukrainës ka rezultuar në mbylljen e tubacioneve që transportojnë gazin rus për në Evropë, gjë që ka lënë qindra mijëra vetë pa ngrohje në mes të dimrit.
Presidenti i Komisionit Evropian, Jose Manuel Barroso, i ka këshilluar kompanitë evropiane të Energjisë që të padisin dy vendet për shkelje të kontratës, nëse furnizimet me gaz nuk rifillojnë menjëherë. /bbc/