Sam Smith nuk ka frikë të shtyjë kufijtë kur bëhet fjalë për modën dhe nuk ishte ndryshe për këngëtarin as kur mbërritën në Brit Awards në Londër të shtunën.
Krijuesi i hiteve, 30 vjeç, parakaloi në tapetin e kuq me një veshje të çuditshme latex si tullumbace nga stilisti Harri.
Veshja përmbante një qafë të lartë, mëngë si tullumbace dhe këmbë me pamje të fryrë dhe një dizajn me zinxhir mbi gjoks. Sam e bashkoi pamjen me një palë çizme me taka të larta me platformë.
Sam po feston publikimin e hitit “Unholy” me Kim Petras, të cilin e performoi edhe gjatë eventit.
Kim së fundmi ka bërë histori si gruaja e parë transgjinore që ka fituar çmimin “Grammy” për “performancën më të mirë Pop Duo/Grupi” së bashku me Sam.
Megjithatë, dyshja u kritikua pas performancës së tyre ‘satanike’ të “Unholy” gjatë 65-të vjetore “Grammy”.
Në ceremoninë e mbrëmshme artisti Harry Styles ishte ai i cili kryesoi me më së shumti çmime të fituara, katër gjithsej, i pasuar nga Wet Leg dhe Beyonce me nga dy secili. /Telegrafi/
