Sam Smith dhe Christian Cowan u pa në qytetin e New Yorkut gjatë rrugës për në Paradën e Krenarisë të dielën.
Këngëtari i hitit “Unholy”, 31 vjeç, kishte veshur pantallona të shkurtra me material xhins dhe një këmishë të zezë, gjersa kishte të shkruar në mesin e bluzës emrin “Julius” me ngjyra të ylberit.
Ai mbanin gjithashtu një rrip të zi dhe syze dielli të zeza, teksa kishte mbathur një palë çizme kafe në stilin kauboj, shkruan DailyMail.
Christian – i cili u pa në mëngjes me Smith të shtunën – kishte veshur të njëjtën këmishë me mbishkrimin “Julius”, të kombinuar me një palë pantallona të shkurtra të zeza, çorape të zeza, këpucë të zeza dhe një kapelë të markës “Miu Miu”, e cila shitet për 595 dollarë.
Ata të dy mbanin gota letre dhe interpretuesi i hitit “Fire on Fire” mbante gjithashtu një çantë dore prej lëkurës së gjarprit ngjyrë bardh e zi.
Kjo paraqitje e tyre vjen në mes të kremtimit të Paradës së Krenarisë në New York.
Bad Bunny dhe Christina Aguilera janë në krye të koncertit që është paraparë të mbahet për personat e komunitetit LGBT+ në New York.
Kjo është dita e dytë radhazi që Smith dhe Cowan janë parë së bashku mes thashethemeve për një romancë mes tyre.
Dyshja kanë kaluar shumë kohë së bashku gjatë muajve të fundit. /Telegrafi/