Ylli i Liverpoolit, Mohamed Salah këmbëngul që Reds e meritojnë të fitojnë titullin e Ligës Premier edhe këtë sezon.
Reds udhëtojnë drejt Manchester Cityt për ndeshjen e javës së tetë të Ligës Premier, e cila zhvillohet të dielën nga ora 17:30 në Etihad.
Ekipi i Jurgen Klopp që e fituan titullin e Ligës Premier sezonin e kaluar pa shumë vështirësi synojnë ta përsëritin suksesin edhe këtë vit.
Këtë e ka thënë ylli egjiptian i skuadrës, Salah, kur u pyet nëse Liverpooli është pretendentë i denjë për të fituar titullin për sezonin e dytë radhazi.
“Sipas mendimit tim, po; ne jemi klubi që meritojmë titullin”, ka thënë Salah për beIN Sports.
Gjigandët nga Anfield aktualisht qëndrojnë në vendin e dytë, por me pikë të barabarta me Southampton, pas shtatë ndeshjeve të para. /Telegrafi/