Salah Abdeslam, i mbijetuari i vetëm i sulmeve të 13 nëntorit në Paris, sot në mëngjes është vërshëllyer nga të dënuarit e tjerë të bugut Fleury-Merogis, ku është mbyllur në një qeli izolimi të mërkurën.
Sipas një gardiani, një grup të burgosurish të radikalizuar, e kanë kritikuar dhe vërshëllyer për faktin që nuk e hodhi veten në erë së bashku me shokët në “Stade de France”.
Salah, i përshkruar nga avokati i tij si “një njeri i varfër që ka bërë më parë vepra të vogla penale”, një njeri me “inteligjencë të dobët”, është arrestuar në Bruksel në 18 mars dhe është ekstraduar në Francë, ku është transferuar në burgun më të madh të Europës, pak larg Parisit. Terroristi i vendosur në një qeli izolimi, është mbyllur në një qeli ku vëzhgohet 24 orë në 24.
Ai akuzohet se është pjesë e një organizate terroriste, për vrasje, sekuestrim dhe mbajtje të armëve dhe municioneve shpërthyese, seanca e tij gjyqësore është parashikuar të mbahet në 20 maj.