Telegrafi

“As-Salaamu-Alaikum”: Parlamenti i Zelandës së Re e hap seancën me lexim të Kuranit (Video)

Parlamenti i Zelandës së Re për herë të parë në historinë e tij ka bërë hapjen e një sesioni parlamentar me anë të recitimit të Kuranit të Shenjtë.

Sipas mediave të huaja, përcjell Telegrafi, një gjest i tillë është bërë në shenjë solidariteti me viktimat e të shtënave, që thuhet të jenë rreth 50, gjatë një sulmi terrorist në dy xhami.

Gjithashtu, gjatë seancës, kryeministrja e Zelandës së Re, Jacinda Ardern, filloi fjalimin e saj në parlament duke thënë ‘As-Salaamu-Alaikum (Paqja qoftë mbi ju)’.

Lexo po ashtu Heroi i Zelandës së Re, njeriu që ndoqi terroristin - imami i xhamisë thotë se po të mos ishte ai, do të kishte shumë të tjerë të vdekur (Video)

Ndryshe, Brad Tarrant ishte ai i cili me gjakftohtësi vrau dhjetëra besimtarë brenda xhamisë Al Noor në qytetin Christchurch në Zelandë të Re, kishte filmuar gjithçka live në Facebook.

Lexo po ashtu Masakra në Zelandë të Re, autori kishte në plan të vriste Merkel dhe Erdogan – zbulohet çfarë tjetër “në mendje” kishte terroristi

Brenton Tarrant, 28 vjeç, postoi fotografi të arsenalit të tij përkrah manifestit 74 faqesh ku e përshkroi veten si “një njeri i zakonshëm i bardhë, 28 vjeç. I lindur në Australi në një familje me të ardhura të ulëta”.

Përkundër këtyre, sipas thewest.com.au, përcjell Telegrafi, ai kishte edhe objektiva të tjerë, përfshirë figura të njohura botërore.

Lexo po ashtu I rrëmbeu armën terroristit, por nuk diti ta përdorte atë - ndërron jetë burri që u kacafyt me terroristin në Zelandë të Re (Foto)

Siç thuhet tutje, ndër objektivat ishte edhe kancelarja gjermane Angela Merkel, presidenti turk Rexhep Erdogan, si dhe kryebashkiaku i Londrës, Sadik Khan.

Ndërkohë, pas arrestimit ai është paraqitur para gjykatës. /Telegrafi/