Këto foto tregojnë plagët dhe lodhjen në fytyrë të punonjësve shëndetësorë në qytetin kinez Wuhan, që po bëjnë të pamundurën për të parandaluar zgjerimin e coronavirusit.
Imazhet janë shpërndarë në masë të madhe në rrjetet sociale dhe tregojnë sakrificën e mjekëve dhe infermierëve, që po bëjnë gjithçka që të kujdesen sa më mirë për pacientët e sëmurë, transmeton Telegrafi.
Mediat lokale raportojnë se stafi shëndetësor në Wuhan në lindje të provincës kineze Hubei, janë duke punuar pa orar apo më mirë thënë “non-stop”.
Shumë punonjës janë aq shumë të lodhur sa që përfundojnë duke fjetur nëpër karriget e spitalit, dysheme e shpesh edhe në tualet.
Në mungesë të kohës së lirë, ata qëndrojnë me dhjetëra orë pa ngrënë e pirë e madje shpesh nuk mund të shkojnë as në tualete.
Vazhdimisht detyrohen të bartin maska mbrojtëse në fytyrë të cilat janë aq të ngushta për të parandaluar infeksionin, sa që u lënë shenja në fytyrë. /Telegrafi/
