Është zhvilluar xhiro e radhës në elitën e basketbollit amerikan NBA, ku nuk kanë munguar ndeshjet spetakolare dhe rezultatet befasuese.
Pas dy humbjeve radhazi, Sacramento Kings ka marrë edhe fitoren e dytë pasi ka triumfuar në udhëtim te Utah Jazz me rezultat 96:113.
Qendra lituaneze Domantas Sabonis shkëlqeu me 28 pikë, 11 kërcime e katër asistime.
Me lojë të mirë te skuadra fituese u dallua edhe DeMar de Rozan me 20 pikë e tetë asistime, derisa DeAron Fox shtoi 19 pikë të tjera.
NBA STANDINGS UPDATE
▪️ DAL & GSW move to 3-1
▪️ DEN & SAC improve to 2-2Download the NBA App for more ⤵️https://t.co/wV1YsrFUXw pic.twitter.com/KPzbWn9MYm
— NBA (@NBA) October 30, 2024
Te vendasit më efikasi ishte Jordan Clarkson me 21 pikë, por që në fund nuk ishin të mjaftueshme për fitore.
Fitore ka shënuar edhe Golden State Warriors, ku para adhuruesve të vet ka triumfuar 124:106 ndaj New Orleans Pelicans.
Ndërkohë ka triumfuar në udhëtim Denver Nuggets me rezultat 139:144 ndaj Brooklyn Nets vetëm pas vazhdimeve. /Telegrafi/
