Një video nga arkivi i M1-shit shfaq një skeç humoristik të realizuar në vitin 1997, në të cilin janë protagonistë aktori dhe këngëtari i madh, Sabri Fejzullahu dhe djali i tij, Ermali.
Ngjarja ka të bëjë me suksesin e djalit në shkollë, i cili të gjitha notat i ka të dobëta, ndërsa në muzikë ka notë të shkëlqyeshme, dhe reagimi babait me këtë rast.
Krahas humorit, ajo që josh vëmendje është mosha fëmijërore e Ermalit, i cili tash etiketohet si këngëtar i njohur për publikun që tashmë ka krijuar një stil të veçantë të tij në skenë. Në muajin gusht, ai do të mbushë 29 vjet, ndërsa është baba i tre fëmijëve.
Për Sabriun, çdo fjalë është e tepërt. Këngëtari i mirënjohur, i cili është në skenë për shumë dekada, në shtator do të mbushë 73 vjet, ndërsa vazhdon të jetë shumë vital dhe shumë i pëlqyeshëm nga publiku. /Telegrafi/
