Site icon Telegrafi

Sabrina Carpenter mori vëmendjen e të gjithëve me performancën në MTV VMA 2024, ajo puthi një alien në skenë

Sabrina Carpenter befasoi fansat gjatë performancës së saj pasionante në MTV Video Music Awards 2024 të mërkurën, ku ajo puthi një alien.

Këngëtarja 25-vjeçare, e cila interpretoi tri hitet e saj, “Please Please Please”, “Taste” dhe “Espresso”, ngjiti buzët me një maskotë të veshur me një kostum blu të alienit ndërsa ishte në skenë.

Performanca e pazakontë përfshinte edhe balerina sfondi të veshur si astronautë, duke krijuar një atmosferë jashtëtokësore ndërsa Carpenter kryente lëvizje të nxehta mes tyre, shkruan DailyMail.

Këngëtarja, e cila aktualisht është në lidhje me aktorin irlandez Barry Keoghan, 31 vjeç, shkëlqeu në një ‘bodysuit’ të bardhë, me flokët e saj të verdha të lëshuara në kaçurrela të lirshme. Ylli e kompletoi pamjen me një palë taka të bardha me shkëlqim.

Sabrina fitoi çmimin “Kënga e Vitit” për hitin e saj të madh “Espresso” në mbrëmjen gala të çmimeve.

Performanca e saj filloi duke zbritur në skenë në një lisharëse ndërsa këndonte “Please Please Please” nga albumi i saj më i fundit “Short n’ Sweet”.

Më pas, ajo kaloi te kënga “Taste”, të cilën ajo e interpretoi live për herë të parë – ndërsa alieni dhe astronauti vallëzuan së bashku në mënyrë provokuese. Carpenter, megjithatë, ndërpreu vallëzimin duke shtyrë astronautin larg dhe puthur në mënyrë pasionante alienin.

Fansat shpejt u drejtuan në rrjetet sociale për të ndarë reagimet e tyre komike nga puthja, me disa që bënë shaka se ishte i dashuri i saj Barry nën kostum.

Në fjalimin e saj të pranimit të çmimit, Sabrina tha: “Oh! Epo, mirë, mirë, përshëndetje! Nuk kam fituar kurrë një prej këtyre, është vërtet e veçantë. Fituesit e parë janë fansat”.

Performanca e Sabrina Carpenter ishte një nga momentet më të përfolura të MTV VMA 2024, duke e bërë të qartë se ajo është një forcë për t’u llogaritur në industrinë e muzikës. /Telegrafi/

Exit mobile version