Megjithatë, kompania që ai e themeloi – Apple po vazhdon të jetojë dhe të rritet edhe më tej. Analistët e biznesit druanin se pa udhëheqjen e tij kompania do të vuante për sukses, mirëpo një gjë e tillë nuk ka ndodhur deri më tani.
Për të evidentuar edhe më shumë suksesin e kompanisë së Jobs, gjatë javës është lëshuar një vlerësim i cili thotë se vlera tregtare e Apple ka arritur majat, me një shifër prej 621.64 miliardë dollarësh, për tu shndërruar në kompaninë me vlerën më të madhe në treg në të gjitha kohërat.
Lëkundjet e vlerës së aksioneve të Apple në bursë, të cilat kanë shkuar lart, kanë bërë që vlera e kompanisë të rritet edhe më shumë për të thyer rekordet e shumë gjigantëve të tjerë të industrisë dhe jo vetëm. / Telegrafi /