Është mbajtur këtë të martë seanca e dytë gjyqësore në të cilën 30-vjeçari Ylber Abdullahi akuzohet për “prodhim, mbajtje dhe shitje të lëndëve narkotike” në bashkëpunim.
Prokuroria dha pretencën duke kërkuar dënimin me 6 vite burg të reperit Cozman, i cili u kap në flagrancë vitin e shkuar me 20 gr marijuanë shkruan lapsi.al.
I pranishëm në sallë, Cozman dhe avokati i tij kërkuan shtyrjen e seancës për të përgatitur mbrojtjen. Mësohet se gjykata do të japë vendimin pas dy javësh, pasi të ketë dëgjuar palën e paditur.
Nëse dënohet, Cozman do të përfitojë uljen e dënimit me 1 të 3-tën, për shkak se gjykata pranoi kërkesën për gjykim të shkurtuar.
Ndryshe, nga burime pranë reperit u raportua kohë më parë se Cozman ka leje për përdorimin e këtyre substancave me autorizim mjekësor.