Njerëzit e ndrojtur mund të jenë introvertë dhe ekstrovertë, por, pa marrë parasysh atë që janë, ata kanë tendencë të kuptohen gabimisht – si arrogantë
Posaçërisht është e mundshme që do të vlerësohen negativisht nëse, krahas kësaj, janë edhe tërheqës…
Pse ndrojtja jonë mund t’i bëjë njerëzit të mendojnë se jemi do farë snobësh?
Nëse ndihemi të ndrojtur, zakonisht nuk flasim shumë. Por kur jemi të qetë, është e vështirë që njerëzit të dinë çfarë mendojmë. Madje ka edhe një frazë: “Të heshturit duhet patjetër t’i shikosh”, sikur jemi të heshtur sepse fshehim diçka, transmeton Telegrafi.
Disa njerëz të cilët janë më të hapur kanë thënë që konsiderojnë që njerëzit e heshtur janë të tmerrshëm dhe të paparashikueshëm.
Ankthi shoqëror mund të ndikojë edhe në gjuhën e trupit tonë, që mund të krijojë përshtypjen se jemi kokëfortë dhe krenarë.
Është edhe më keq nëse jeni edhe një introvert, që do të thotë se ju duhet kohë për të qenë vetëm ose do të dështoni.
Nëse vendosni të mos shoqëroheni me të tjerët, mund të dukeni të përmbajtur. Zakonisht, kur bëjmë diçka që njerëzit nuk e presin ose nuk bëjnë diçka që njerëzit presin, ata ndjejnë nevojën për të gjetur një arsye për të.
Pra, kur ne veprojmë ndryshe kur jemi me ta sesa kur jemi me njerëz me të cilët jemi afër, ata mund të ndihen sikur nuk mendojmë se janë mjaft të mirë për ne.
Në sytë tanë, ne jemi thjesht nervozë, por në sytë e tyre, ne jemi të këqij sepse sillemi sikur jemi “shumë të mirë” për ta. Kjo ndodh me shumë prej nesh.
Edhe të famshmit përballen me të njëjtin problem
Zendaya zbuloi se ende po përpiqet të kapërcejë ndrojtjen e fëmijërisë, veçanërisht si aktore. Stilistja e saj njëherë i tha asaj se ajo është disi e ftohtë dhe se njerëzit mendojnë se ajo është e keqe sepse nuk flet. Por e vërteta është se ajo ishte shumë nervoze.
Rihanna tha se një e vërtetë e madhe për të që njerëzit nuk e dinë është se ajo është e turpshme. Ajo pranoi se në një farë mënyre pretendon se nuk po ndodh, kështu që ata rreth saj mendojnë se ajo është e sigurt. Por në fakt, ajo është aq e turpshme sa nuk do që njerëzit ta dinë se ajo është e turpshme.
Zayn Malik pranoi se ai nuk është një person shumë social. Edhe pse ka një reputacion si një djalë i keq, ai është me të vërtetë një introvert që lufton me ankthin. Ai nuk e ka problem të përshkruhet si i “keqkuptuar”.
Njerëzit gjithmonë i thonë Bella Hadidit se ajo duket e keqe ose e frikshme në rrjetet sociale dhe se ajo është shumë e ndryshme nga ajo që prisnin. Ajo tha se i pëlqen të shoqërohet me njerëz të rinj dhe nuk ndihet rehat vetëm para kamerave.
Ka mënyra për të shmangur keqkuptimin e njerëzve
Meqenëse të qenit i rezervuar mund të na bëjë të dukemi si mbretëresha dhe mbretër të akullit, mbase mund të përpiqemi të tingëllojmë të përulur duke komplimentuar njerëzit e tjerë ose duke e drejtuar bisedën që të fokusohet te njerëzit që duan të flasin në vend të kësaj.
Sa herë që e keni të vështirë të flisni, mund të përpiqeni të komunikoni me fytyrën dhe trupin tuaj duke buzëqeshur, duke tundur kokën, duke ngritur supet, etj. Megjithatë, nëse disa njerëz ende ju keqkuptojnë pavarësisht kësaj përpjekjeje shtesë, mund të jetë koha për të vazhduar. Ndonjëherë është më mirë të shihesh si arrogant sesa të jesh dikush që nuk je. /Telegrafi/