Apple së fundmi ka lansuar dy telefonat e rinjë, iPhone 7 dhe iPhone 7 Plus të cilët kanë debutuar në treg me vlerë fillestare prej 649 dollarëve.
Ndërkohë, sipas një raporti nga IHS Markit, iPhone 7 kushton 224.80 dollarë për t’u prodhuar, kosto kjo më e madhe se ajo e iPhone 6S.
Pajisja kushton 219.80 në kostot e materialit dhe 5 dollarë për t’u ndërtuar, duke dhënë kështu një kosto totale të prodhimit prej 225 dollarëve.
Apple ka dyfishuar hapësirën e iPhone gjatë viteve. Modeli fillestar tani vjen me 32GB hapësirë në vend të 16GB dhe në këtë mënyrë kjo mund të ketë ndikuar në rritjen e shpenzimeve të prodhimit të pajisjes.
Edhepse Apple po paguan pak më shumë për të prodhuar iPhone, kompania është duke fituar profit të lartë nga pajisjet e saj, sidomos nga ato që janë më të shtrenjta si iPhone 7 Plus.