Liverpool thuhet se është vënë në shitje nga pronarët e tyre, Fenway Sports Group (FSG).
Të hënën, The Athletic raportoi se Reds janë nxjerrë në shitje dhe se është e paqartë nëse një marrëveshje do të bëhet apo jo përfundimisht, por FSG po pret oferta.
Grupi sportiv, që zotëron gjithashtu Boston Red Sox, ka qenë në krye të skuadrës së Ligës Premier që nga viti 2010 dhe në atë periudhë klubi ka fituar tetë trofe të mëdhenj duke përfshirë triumfin e tyre të parë në ligë në 30 vjet.
Por, muajt e fundit, marrëdhënia mes tifozëve dhe pronësisë është përkeqësuar – veçanërisht pas diskutimeve të Superligës Evropiane të mbajtur vitin e kaluar.
Ka pasur sugjerime në të kaluarën që FSG kishte refuzuar ofertat për shitjen e klubit me më të fundit që thuhet se ishte një ofertë prej 3.5 miliardë euro nga Lindja e Mesme.
Pyetja aktuale në mendjet e shumë njerëzve është se sa vlen Liverpooli?
Kohët e fundit, Forbes vlerësoi Liverpool-in në pesë miliardë euro, i cili është klubi i katërt më i pasur i futbollit në botë pas Real Madridit, Barcelonës dhe Manchester United.
FSG e bleu Liverpoolin pak më shumë se 10 vjet më parë për rreth 400 milionë euro.
FSG lëshoi deklaratën e mëposhtme për The Athletic: “Ka pasur një sërë ndryshimesh të fundit të pronësisë dhe thashetheme për ndryshime në pronësi në klubet EPL dhe në mënyrë të pashmangshme ne pyetemi rregullisht për pronësinë e Fenway Sports Group në Liverpool”.
“FSG ka marrë shpesh interesim nga palë të treta që kërkojnë të bëhen aksionarë në Liverpool. FSG ka thënë më parë se në kushtet e duhura ne do të konsideronim aksionarë të rinj nëse do të ishte në interesin më të mirë të Liverpoolit si klub”.
“FSG mbetet plotësisht e përkushtuar ndaj suksesit të Liverpoolit, si brenda dhe jashtë fushës”, thuhet në reagimin e tyre.
Vlen të kujtohet se vetëm për shkak se klubi është nxjerrë në shitje nuk do të thotë se një shitje është afër përfundimit.
Megjithatë, kjo mund të nënkuptojë nëse një ofertë vjen dhe përputhet me vlerësimin e FSG-së, klubi mund të shitet. /Telegrafi/