Kapiteni i Aston Villas, Tyrone Mings nuk arriti të hipte në autobusin e skuadrës që nisej për në shtëpi pas humbjes 2-1 të skuadrës së tij ndaj Tottenhamit këtë pasdite.
Mbrojtësi u filmua duke pritur jashtë Stadiumit “Tottenham Hotspur” me një valixhe, duke u përpjekur dëshpërimisht për të gjetur se ku kishin shkuar shokët e tij të skuadrës dhe si mund të kthehej në West Midlands.
Ndihmësi i trajnerit të Italisë, Gianluca Vialli gati pësoi një fat të ngjashëm gjatë verës, me ish-lojtarin e Chelseat që e ndoqi nga pas autobusin e Azzurrëve teksa po shkonin në Londër për në finalen e Euro 2020.
Habia e Mings mund të jetë një moment jo edhe aq i këndshëm, duke ditur se pësuan humbje në udhëtim te Spurs.
Golat nga Pierre Hojbjerg dhe një autogol i Matt Targett anuluan atë të Ollie Watkins për t’i dhënë Spurs fitoren e tyre të parë, pas tre ndeshjeve, një rezultat me të cilin trajneri i Villas, Dean Smith nuk ishte i kënaqur. /Telegrafi/
🚨⚽️ | NEW: Tyrone Mings missed the bus back home from the Spurs vs Aston Villa game pic.twitter.com/6S1HGHJq1b
— Football For All (@FootballlForAll) October 3, 2021