Shpresa e dytë më e madhe pas Majlinda Kelmendit për medalje në Lojërat Olimpike, Rio 2016, xhudistja Nora Gjakova – ka pësuar një lëndim.
Gazetari i RTK-së në Maracana që po raporton për hapjen e Lojërave Olimpike ka zbuluar një informacion konfidencial.
Garat e xhudos që do të zhvillohen të dielën janë në dilemë dhe do të jenë të vështira për Nora Gjakovën, e cila sipas gazetarit ka pësuar një lëndim të lehtë, shkruan Telegrafi.
Ky lëndim nuk pritet ta lë jashtë Nora Gjakovën, por do t’ia vështirësojnë asaj rrugëtimin drejt medaljes.
Një start, definitivisht pa fat, por ende nuk ka ndonjë konfirmim zyrtar nga ekipi olimpik i Kosovës. /Telegrafi/