Revista e njohur financiare "Global Finance" ka ndarë çmimin si "Banka më e mirë në Evropën Qëndrore dhe Lindore 2009" për Raiffeisen Zentralbank Österreich AG (RZB) si dhe degën e saj Raiffeisen International Bank-Holding AG. Raiffeisen e ka fituar këtë çmim për aktivitetet e tyre bankare në rajon për herën e katërt radhazi – çmimi i gjashtë brenda shtatë viteve.
Përveç çmimeve rajonale, edhe bankat e rrjetit në Kosovë (Raiffeisenbank Kosovo J.S.C ), Bosnë dhe Hercegovinë (Raiffeisen Bank d.d. Bosna i Hercegovina), Serbi (Raiffeisen banka a.d.) dhe Sllovaki (Tatra banka a.s.) kanë marrë çmimet "Banka më e mirë" në tregjet ku veprojnë.
“Besimin që klientët tanë kanë tek ne ka qenë dhe do të jetë dëshmi e suksesit i cili është më i rëndësishëm për neve. Ne jemi krenar që Global Finance e ka njohur edhe njeherë suksesin e grupit tonë trajtimin dhe plotësimin e kërkesave të më shume së 15 milion klientëve,” tha Herbert Stepic, Drejtor Ekzekutiv i Raiffeisen International dhe Zëvendës kryetar i Bordit të RZB-së.
Vazhdimi i suksesit, madje edhe ne kohëra sfiduese
Në Kosovë, Raiffeisen International operon me 50 degë të saja dhe e cila ne fund të vitit 2009 ka pasur një bilanc të gjendjes prej 672 milion euro, duke bërë atë banka e dytë më e madhe në Kosovë. Gjatë vitit 2009, numri i klientëvek a vazhduar që të shënojë rritje. Banka gjithashtu me sukses e mbrojti pozicionin e saj udhëheqës në segmentin e ndërmarrjeve të vogla dhe të mesme.
Edhe bankat e rrjetit të Raiffeisen International në Bosnë dhe Hercegovinë dhe Serbi kanë marrë çmimet nga Global Finance si “Banka më e mire” për herën e shtatë radhazi, përderisa Tatra banka në Sllovaki ka marrë këtë çmim për herën e nëntë në historinë e bankës.
Raiffeisen Zentralbank Österreich AG (RZB) është institucioni qendror i Grupit Bankar Austriak Raiffeisen, grupit bankar më të madh në vend. RZB i konsideron vendet e Evropës Qëndore dhe Lindore si treg të saj. RZB është banka e vetme austriake me një rrjet global të njësive afariste të cilat arrijnë të gjitha qendrat e rëndësishme financiare në mbarë globin. Këtu përfshihet edhe kontinenti i Azisë ku RZB është prezent me degët dhe zyrat e saj përfaqësuese.
Përmes degës së saj Raiffeisen International Bank-Holding AG, RZB operon njërin nga rrjetet më të mëdha bankare në Evropën Qëndrore dhe Lindore, i cili i mbulon 17 tregje në rajon përmes degëve bankare, kompanive lizing si dhe njësi të tjera që ofrojnë shërbime financiare. Më shumë se 56,500 punonjës të këtij rrjeti iu ofrojnë shërbime 15.1 milionë klientëve përmes 3,000 degëve afariste. /telegrafi/