“Shpallja e njëanshme e pavarësisë së Kosovës do të nxiste reaksione të cilat nuk do të ishin as në interes të kosovarëve”, ka thënë Rupel për FAZ.
Rupel, vendi i të cilit, nga 1 janari i këtij viti do ta marrë detyrën e kryesuesit të Bashkimit Evropian, ka thënë se ka “mirëkuptim të plotë për Serbinë” një vendi i cili “mban çelësin e stabilitetit në rajon”.
Duke e akuzuar Serbinë se, më 1999, në kohën e Sllobodan Milosheviqit “vetë e ka nxitur ndarjen e Kosovës”, Rupel ka vlerësuar se “bashkimi i sërishëm do të jetë i mundshëm në kontekst të Bashkimit Evropian”.
“Ndërkohë, na duhet një zgjidhje kalimtare e cila do të zgjaste derisa Kosova dhe Serbia nuk do të hynin në BE”, ka thënë Rupel.