Bullgaria dhe Rumania iu bashkuan zonës së lëvizjes së lirë Shengen, duke iu bashkuar pjesës tjetër të Evropës për udhëtim të lirshëm nga ajri dhe deti pa kontrolle kufitare, shkruan euronews.
Pranimi në zonë vjen pas një pritjeje trembëdhjetëvjeçare. Anëtarësimi është i pjesshëm, pasi vetoja nga Austria do të thotë se anëtarësimi i ri nuk do të zbatohet për rrugët tokësore, të cilat Vjena argumentoi se do të çonte në udhëtimin e më shumë azilkërkuesve në Evropë, transmeton Telegrafi.
“Ky është një sukses i madh për të dy vendet. Dhe një moment historik për zonën Shengen – zona më e madhe e lëvizjes së lirë në botë. Së bashku, ne po ndërtojmë një Evropë më të fortë, më të bashkuar për të gjithë qytetarët tanë”, tha presidentja e Komisionit Evropian, Ursula von der Leyen.
Today, Bulgaria and Romania join the Schengen family.
I welcome the lifting of internal air and sea border checks.
This is a great success for the people of both countries.
It also benefits millions of EU citizens across Europe.
Making the Schengen area even stronger.
— Ursula von der Leyen (@vonderleyen) March 31, 2024
Zona Shengen tani do të përbëhet nga 29 anëtarë – 25 nga 27 shtetet anëtare të Bashkimit Evropian, si dhe Zvicra, Norvegjia, Islanda dhe Lihtenshtajni.
Qeveria e Rumanisë tha se rregullat e Shengenit do të zbatohen për katër porte detare dhe 17 aeroporte, duke përfshirë aeroportin më të madh Otopeni të Bukureshtit.
Policia kufitare dhe oficerë të emigracionit do të vendosen për të mbështetur pasagjerët dhe do të kryhen kontrolle të rastësishme për të zbuluar personat me dokumente false. /Telegrafi/
