Andy Ruiz është paralajmëruar se do të suspendohet për dy vite nga pjesëmarrja në luftimin për titullin WBC nëse merr pjesë në Lojërat Olimpike 2020.
Kampioni i WBA, IBF dhe WBO duhet që ta fitojë vetëm edhe titullin WBC që mbahet nga Deontay Wilder për t’u bërë më i miri në botë.
Meksikano-amerikani kishte bërë me dije më parë se do të ishte nderë për të që të luftojë për medaljen e artë, mirëpo tani duhet të mendojë dy herë.
“WBC është kundër që një boksier të merr pjesë në Lojërat Olimpike dhe nuk është veprim i mirë që të bëhet kjo gjë”, ka thënë presidenti i WBC-së, Mauricio Sulaiman.
“Është diçka e papranueshme, fansat dhe ekspertët e boksit nuk duhet ta përkrahin një gjë të tillë”.
“Garimi në Lojërat Olimpike është diçka tjetër, Është diçka e ndryshme dhe shumë e rrezikshme. Ne nuk mund ta pranojmë atë gjë”, ka shtuar më tej ai.
Ruiz do të ripërballet në dhjetor me Anthony Joshuan për t’i mbrojtur tre titujt që i fitoi pikërisht nga britaniku. /Telegrafi/