Ish-deputeti i Lidhjes Demokratike të Kosovës, Naser Rugova ka folur sërish për gjendjen brenda LDK-së, pas dorëheqjes së Isa Mustafës nga pozita e kryetarit.
Rugova në një postim në Facebook, ka pyetur se kujt po i pengon debati i brendshëm dhe përse nuk po ftohet mbledhja e këshillit të LDK-së.
Ai ka thënë se Këshilli i Përgjithshëm i LDK-së është organi i vetëm që ka legjitimitet të diskutojë dhe të marrë hapat e domosdoshëm.
Postimi i plotë:
Këshilli i Përgjithshëm i LDK-së sot është organi i vetëm me legjitimitetin e plotë të diskutojë dhe të marrë vendime për hapat e domosdoshëm që duhet t’i marrim sot. Pse nuk po ftohet mbledhja e këshillit? Kujt po i pengon debati i brendshëm? Normal, vetëm atyre që për të mbrojtur interesat e veta nuk e kanë dert edhe nëse na sjellin në 5%.
p.s
Pandemia nuk është justifikim, sepse gjatë fushatës askush nuk e ka lodh kokën për atë punë. /Telegrafi/
