Sekretari Amerikan i Shtetit, Marco Rubio ka folur me gazetarët në aeroplanin e tij ushtarak, rrugës për bisedimet në Jeddah të Arabisë Saudite.
Ai është pyetur për përplasjen e jashtëzakonshme të Zyrës Ovale mes Donald Trump dhe Volodomyr Zelensky.
“Epo nuk ishte ashtu siç duhej të shkonte”, tha ai, transmeton Telegrafi.
“Ne patëm këto biseda me ata që erdhën. Ne u shpjeguam atyre qëndrimin tonë. Ne donim shumë të kishim negociata. Ne u ndjemë, u ndjeva, unë në fakt isha i tronditur pasi po ndodhte, sepse shkoi krejtësisht e kundërta e gjithçkaje për të cilën kishim folur para kohe”, shtoi Rubio.
“Nuk mund ta besoja atë që po shihja. Isha si – kjo nuk mund të jetë e vërtetë, por ishte. Por ne duhet të vazhdojmë përpara”, theksoi ndër tjera Sekretari amerikan i Shtetit.