Pandemia e coronavirisut padyshim se ka ndikuar në masë të madhe në ekonomitë e vendeve të ndryshme të botës, kurse pamjet e filmuara nga ajri me dron, shfaqin rrugët e zbrazëta të qytetit të Stambollit.
Masat kufizuese të qeverisë turke, kanë bërë që qytetet e mëdha të ngjajnë me “zona fantazmë”, kurse edhe pas dy javëve izolimi total, autoritetet i kanë zgjatur ato edhe për një javë tjetër, duke pretenduar se kanë dhënë rezultate ku ka pasur ulje të numrit të prekurve dhe vdekurve nga coronavirusi, transmeton Telegrafi.
Mbetet të shihet se nëse pas përfundimit të kësaj jave, do të zbuten masat e sigurisë apo do të vazhdojnë edhe për disa ditë tjerë – ose siç kanë vepruar shumë shtete duke i zbutur gradualisht.
E më poshtë pamjet e filmuara me dron tregojnë se si qyteti me dhjetëra miliona banorë është zbrazur, duke bërë që rrugët që dikur gumëzhinin nga zhurma e veturave dhe autobusëve të shumtë të jenë plotësisht të thata. /Telegrafi/