Rruga regjionale e fshatit Druar, e cila lidh shumë fshatra të qytetit të Vushtrrisë është në gjendje shumë të keqe.
Gjendja e saj e keqe shihet dhe në disa foto të cilat i ka siguruar Telegrafi. Këto foto tregojnë se rruga në fshatin Druar, është vështirë e kalueshme.
Kryetari i Komunës së Vushtrrisë, Xhafer Tahiri në një prononcim për Telegrafin ka thënë se kjo rrugë është regjionale dhe është nën kompetencën e Ministrisë së Infrastrukturës.
“Kjo rrugë do të filloj të rregullohet këtë vit, ndërsa do të përfundoj në vitin 2020”, ka thënë Tahiri. /Telegrafi/
