Ndryshe nga presidenti, Donald Trump, i cili ka një shteg shumë të vështirë për të arritur në 270 vota elektorale, Joe Biden ka një mori mënyrash për të arritur në atë numër magjik.
Filloni me 203 vota elektorale që vlerësohen si solide në kampin e Bidenit. Pastaj jepini Nevadan (6 vota elektorale) dhe Colorado (9), ku demografia po ecën larg versionit të konservatorizmit të Trumpit. Kjo do të thotë 218 vota elektorale, raporton CNN, transmeton Telegrafi.
Tani lëvizni shtetet tradicionale demokratike – Minesota (10), Michigan (16) dhe Wisconsin (10) – për Bidenin. Ndërsa Trump mbajti Wisconsin dhe Michigan në vitin 2016 – dhe u afrua në Minesota – ka pak të dhëna që sugjerojnë se ai mund ta përsërisë atë. Kjo është 254 vota elektorale.
E cila na sjell në Pensilvani dhe 20 votat e saj elektorale. Nëse Biden fiton shtetin ku ka lindur, kjo i sjell 274 vota elektorale – dhe Shtëpinë e Bardhë.
Një skenar i tillë do të lejonte Bidenin të humbte Floridan, Georgian, Texasin, Arizonan, Iowan dhe Ohion dhe përsëri të zgjidhej president. Siç tham, ai ka shumë rrugë për në Shtëpinë e Bardhë. /Telegrafi/