‘Rrjedh në gjene’ – Ibra luajti në një ndeshje stërvitore me djalin e tij

Sulmuesi veteran, Zlatan Ibrahimovic, gjatë ditës së sotme (e mërkurë) është përfshirë në një ndeshje stërvitore kundër skuadrës U-18 të Milanit.

E veçanta e kësaj ndeshjeje është se 41-vjeçari ka luajtur së bashku me djalin e tij,  Maximilian.

Ibra është duke munguar qe një kohë të gjatë për shkak të lëndimit dhe vetëm sa ka nisur t’i bëjë hapat e parë drejt rikthimit.

Ai ka mundur ta shijojë një ndeshje të përbashkët me djalin e tij 16 vjeçar, ndërsa në rrjetet sociale janë shpërndarë fotografi dhe video nga kjo ngjarje.

Lexo po ashtu Vera e ardhshme pritet të shënojë fundin e karrierës së Ibrahimovic

Vet Zlatan e ka publikuar një video nga loja duke e përshkruar thjesht: “ADN”. /Telegrafi/