Franca do të mbulojë pagat e prindërve në mënyrë që ata të qëndrojnë në shtëpi me fëmijët e tyre, në rast se mbyllen shkollat për shkak të pandemisë.
Sipas medieve të huaja, përcjell Telegrafi, zyrtarët njoftuan të enjten se shteti do të mbulojë 84 për qind të pagës të një prindi në secilën familje, që ka një fëmijë nën moshën 16 vjeçare në rast se obligohet mbyllja e shkollave.
Njoftimi vjen pasi rritje të rasteve të reja u raportuan në Francë që kur shkollat u rihapën më 1 shtator. Disa grupe tashmë kanë çuar në mbylljen e 34 shkollave dhe anulimin e 500 klasave të ndara.
Ndërkohë, qeveria franceze ka njoftuar edhe një zgjatje të skemës së tyre, për bizneset të cilat po hasin në vështirësi.
Vetëm gjatë ditës së djeshme Franca raportoi 9,843 raste të reja nga coronavirusi, shifër kjo rekorde ditore. /Telegrafi/