Obama ka tërhequr vërejtjen se nuk ekzistojnë rrugë urgjente për dalje nga recesioni ekonomik mirëpo ka premtuar hapa të rinj me qëllim hapjen e vendeve të reja të punës.
Presidenti amerikan Barak Obama deklaroi se këto hapa do të forcojnë fuqinë blerëse dhe bizneset e vogla në SHBA mirëpo republikanët, pas publikimit të statistikave të reja mbi papunësinë në Amerikë, kanë theksuar se këtij vendi i duhet edhe shumë kohë për të dalë nga kriza ekonomike.
Sipas CNN, kriza ekonomike është preokupimi kryesor i amerikanëve në prag të zgjedhjeve afatmesme për kongresin dhe sondazhet e fundit tregojnë se mbështetja e politikave ekonomike të presidentit Obama nga 42 % që ishte muajin e kaluar, tani ka rënë në 40 %. /Telegrafi/