Numri i personave të vdekur në sulmin në tregun e Krishtlindjeve në Magdeburg është rritur nga dy në pesë, sipas mediave gjermane.
Numri i të plagosurve është rritur nga 68 në më shumë se 200, shkruan skynews. Prej tyre, 41 janë lënduar rëndë – një rritje prej 26 nga shifrat e mbrëmshme.
Në vendin e ngjarjes ka ardhur edhe kancelari gjerman, Olaf Scholz, i cili ka lënë një trëndafil të bardhë në vendin e një memoriali të ngritur pranë vendit ku ndodhi sulmi.
Scholzit iu bashkuan politikanë të shumtë kombëtarë dhe rajonalë, të gjithë të veshur me të zeza.
Theksojmë se sipas informacioneve të para, Taleb al-Abdulmohsen, i dyshuari i arrestuar për sulmin në Magdeburg ishte mjek 50-vjeçar i psikiatrisë dhe psikoterapisë në Bernburg.
I lindur në Arabinë Saudite, qytetin Hufuf, ai në vitin 2006 erdhi për shkollim në Gjermani.
Policia beson se ai mund të ketë qenë nën ndikimin e drogës pasi kontrolloi shtëpinë e të dyshuarit, tha një zyrtar tjetër për gazetën.
Motivet e sulmit mbeten të paqarta, por veprimet dhe deklaratat e tij të mëparshme tregojnë një kombinim të faktorëve personalë, politikë dhe ideologjikë që mund të kenë kontribuar në këtë akt tragjik. /Telegrafi/
BREAKING: German Chancellor Olaf Scholz is visiting the scene of the car attack at a Christmas market in Magdeburg
Latest: https://t.co/phM8D9w1WT
📺 Sky 501, Virgin 602, Freeview 233 and YouTube pic.twitter.com/uOPp0q9xqZ
— Sky News (@SkyNews) December 21, 2024