Kanë kaluar nëntë muaj nga paraqitja e rasteve të para me COVID-19 në Kosovë, ndërsa ditëve të fundit duket se situata po shkon duke u përmirësuar.
Në dy javët e fundit, pothuajse secilën ditë numri i personave të shëruar nga coronavirusi është më i lartë sesa ai i të infektuarve, ku vetëm sot janë shëruar 555 pacientë.
Sipas raportit 24-orësh të Institutit Kombëtar të Shëndetësisë Publike të Kosovës, gjatë 24 orëve të fundit janë testuar gjithsej 1.327 mostra prej të cilëve rezultojnë 329 raste pozitive.
Numri i përgjithshëm i të shëruarve deri më sot është gjithsej 34.155 raste.
Gjithashtu në 24 orët e fundit janë pesë persona të cilët kanë vdekur nga COVID-19, shumë më pak se ditëve të kaluara.
Kurse gjatë dy ditëve të kaluara, në Kosovë janë raportuar nga dymbëdhjetë të vdekur me COVID-19. /Telegrafi/
