Java e parë e tetorit ka shënuar rritje të personave të shëruar nga COVID-19 në Kosovë, ndërsa numri i rasteve të reja ka rënë.
Sipas raportit të Institutit Kombëtar të Shëndetësisë Publike në Kosovë, në 24 orët e fundit janë shëruar 46 persona duke çuar kështu në 14 mijë e 189 numrin e përgjithshëm të personave të shëruar, transmeton Telegrafi.
Nga rastet e reja me COVID-19, më së shumti janë konfirmuar në Prishtinë gjithsej 14 raste.
Pastaj, nga 3 raste janë konfirmuar në Mitrovicë dhe Viti, ndërsa nga një rast është konfirmuar në komunat Ferzaj, Fushë Kosovë, Gjakovë, Hani Elezit, Kamenicë, Klinë, Pejë, Skenderaj, Suharekë dhe Vushtrri.
Ndërkaq, që nga fillimi i pandemisë e deri tani nga COVID-19 kanë humbur jetën 638 qytetarë.
Raste aktive vazhdojnë të jenë 1 mijë e 144.
Instituti Kombëtar i Shëndetësisë Publike në Kosovë ka kërkuar nga qytetarët që të jenë të kujdesshëm dhe t’i respektojnë masat mbrojtëse ndaj virusit./Telegrafi/
