Ekonomia amerikane po përparon me një ritëm më të shpejtë se sa mendohej, duke i dhënë ekonomisë më të madhe të botës rritjen më të fuqishme në më tepër se një dekadë.
Ekonomitë kryesore të Evropës dhe Azisë po ngadalësohen, por Shtetet e Bashkuara thanë sot se ekonomia amerikane shënoi një rritje më të madhe se sa parashikohej. Nga 3.5 që ishte parashikimi, ekonomia amerikane u rrit me 3.9 për qind në tremujorin korrik-shtator.
Në tremujorin e dytë, u shënua një rritje prej 4.6 për qind, rritja më e madhe gjashtë-mujore që nga viti 2003. Qeveria tha se rritja në tremujorin e tretë u nxit nga shtimi i konsumit të konsumatorëve, rritja e investimeve dhe eksporteve, si dhe një rënie e importeve.
Analistët e ekonomisë amerikane thonë se në tremujorin e fundit të vitit ekonomia amerikane mund të ngadalësohet, në një rritje prej 2.5 për qind, por në tremujorin e parë të vitit 2015, pritet një rritje ndoshta prej 3 për qind. /Telegrafi/